Утга мэс чичихүй

…

-Би чамд хайртай. Чи яг л энэ байгаа байдлаараа надад таалагддаг. Чамтай хамт байхдаа л би бүрэн бүтэн байдлыг мэдэрдэг.

-Би чамаас энэ л үгсийг сонсож байгаа энэ цаг мөч … Би яг одоо үнэхээрийн аз жаргалтай байна honey. Энэ үнэн гэж үү?

Энэ ямар зэвүү муухай ая яваад байна аа чи сонсож байна уу? Байнга л сонсогддог зэвүүн дуу авиа. Юу билээ? Сэрүүлэг..,

Оо өглөө болж байгаа юм байна. Үгүй саяны сонссон үгс яг л жинхэнэ байсан. Зүүд биш байх аа. Одоо тэгээд яг сэрсэн юм болов уу?

Гэртээ л байна. Би өчигдөр нилээн орой орж ирснээ санаж байна. Өнөөдөр эртхэн босохгүй бол ажилдаа хоцорч ёстой болохгүй. Балай юм. Тэр бүсгүй надад яг л тэгж хэлсэн дээ. Засс өчигдөр хальтан л уулзсан, тэр бол миний бүтэшгүй шахуу мөрөөдөл юм чинь дээ. Би зүүдлэн солиорчиж хахаха.

За за жинхэнэ амьдрал минь өглөөний мэнд!!! Нойр өглөө босход яахаараа ийм зэвүүн хүрдэг байнаа. Орой орондоо ороход л ийм баймаар юм. Намайг тохуурхан даажигнадаг тэр муугийн бодож олсон нэг тэнэг егөөдөл нь.

...За автобус ир ир ир. Яг миний суух нь ир ир ир. Үгүй яахаараа заавал ингэж хүлээлгээд байгаа юм бэ? Хэрэггүй үед дайрчих гээд шаагаад байдаг муу сайнууд. Яг суух гэхээр алга болчихдог. Тэр муу надаар яг тоглоод байна тэ. Тэр муу новшийн л бодож олсон даажигнал. Чи их зэвүүн гөлөг шүү. За яахав гээл өнгөрье.

Ажил мээнэ. Миний аз дууддаг компүча мээнэ. Ас ас ас.

Чи л миний санаснаар байх юм даа. Ас гэхээр асдаг, унтар гэхээр унтардаг. Энэ хуудсыг нээ, тэр хуудсыг нээ чи зөвхөн миний хүссэнээр. Тийм л учираас би чиний тоосыг өдөр бүр арчдаг юм. Өдрийн мэнд ажилтай сайхан амьдрал мээнэ.

...Ингэс тэгэс гээд өнөөдрийн ажилч яахав дууслаа. Одоо би хаачих вэ? Гэртээ очоод унтана. Дахиад зүүдлэнэ. Өглөө дахиад амьдрал уу, зүүд үү гэж эргэлзэнэ. Тэгээд дахиад л ажил мээнэ, компүча мээнэ, үнсний сав мээнэ... Зайл, зайл. Би өнөөдөр жоохон хөгжилднө өө. Утас мээнэ чамайг жоохон товшоотхий. Найз олон нөхдөө уруу татна аа.

...Сайн сайхан энэ л юм байна. Хөгшин нь нилээн манараад байна аа. За за би гэртээ харилаа.

Би эрч хүчийг, эр зоригийг, сэтгэл хангалуун байдлыг мэдэрч байна. Гэхдээ нэг л биш байна аа. Бүгд надад тааруулж худлаа шаагаад байна даа. Энэ орчин тойрон. Бүгд намайг дооглон тохуурхдаг. Намайг үхэхээр яах бол эд нар. Би яг яахыг нь мэдмээр л байна.

...Өө чи миний зүүдний дагиааана дагиааана. Өчигдрийн зүүд чи үнэн байсан тэ? Одоо л харин би зүүдлээд байна. Энэ муухай зүүд хурдан дуусахгүй юм байх даа. Зүүд мээнэ, зүүд мээнэ. Би чамаас хэзээ сэрэх юм бэ? Намайг үнэнээсээ хайрладаг түүний минь байдаг жинхэнэ амьдрал руугаа би очмоор байна. Сэр сэр сэр. Би сэрмээр байна. Толгой руугаа нэг сайн .. Май .. Сэр сэр сэр… ооо лалар хмм… сэрнээ би чамаас.

Нэг давхараа хө. Нэгэн нарны доор амьдардаг гэлүү би.

Хоёр давхараа хө. Хослон амьдах хорвоо гэлүү чи.

Гурав, гурав,.. гурван давхараа хө. Тэр муу гурвын тоонд их дуртай гэсэн.

Дөрвөн давхараа хө. Дөрвөн улирал хоёр амраг, амраг,.. амраг.

Таван давхар. Энэ арай хангалтгүй, өшөө дээшээ.., би дүүлэн ниссээр зүүднээсээ сэрнэ ээ.

Зургаа, зургаа, зургаа... Зургаан настайдаа би тэр сайхан байгал нутаг усандаа тоглож явжээ. Би дахиад тийшээ...

Долоон давхар аа. Дорддог гэсэн шүү чи, долооон давхар л биш шүү.

Найман давхар одоо ганц л дутуу. Ганцхан давхар..,

Есөн давхар ердөө л миний нислэгийн талбай есөн давхар аа.

Хэхэхэ.

Энэ ядаргаатай шалгуур бүрээс, энэ олон новшийн жүжигчидээс, хийх ёстой гэсэн бүх л балай үйлдэл, ажил блаа блаа блаа. Гадаа хүйтэн байна. Хот их сайхан харагдаж байна. Хммм . Жүжигчдийн хот. Харин би бол Трүмэн. Миний завь ертөнцийн хязгаарыг мөргөлөө. Чи надаа ямар нэг юм хэлэхгүй юм уу. Би чиний шоунаас гарах гэж байна найруулагч гуай? Найруулан, надаар зугаацдаг бурхан гуай..,? Би энэ зүүд ч юм шиг, шоу ч юм шиг уцаар барсан ядаргаатай юмнаас чинь гарах гэж байна. Би одоо дүүлэн ниснэ. Есөн давхар угсармал барилга дээрээс дүүлэн ниснэ. Тэнцвэр, тэнцвэр, тэнцвэр.., Би тэнцвэрээ зүүд, жүжиг, амьдрал гурвын дунд хадгалж байна.

Доошоо их гоё харагдаж байна. Би тэр доор очоод сэрнэ.

-Good morning, good afternoon, good night.

-Yep

Мэхийн ёслоё.

9

8

7

6

5

4

3

2

1

аааахххх Ohh shit. Ёох.

-Яасан бэ. Хар дарсан юм уу honey?

- Тихх. Honey Би чамд амьдралаасаа илүү...